басты бет

сайттың картасы

біздің көрінісіміз

бейне

күнделікті даналық

байланыс

Новости и мероприятия

Демеушілер и Серіктестер

Events

• 31 қазан 2010ж.
  «Қамқор отбасыларға арналған мереке» қайырымдылық акциясы

  Мақсаты: жетім балаларды қамқорлыққа алған адамдарды ынталандыру және мадақтау.
  Ұйымдастырушы: «Махаббат бұлағы» ҚҚ мен «Жастардың еуразиялық конгресі» ҚБ қатысуымен Қазақстанның қамқоршылар одағы ҚҚ, Шығармашылық бастамашы әйелдер лигасы ҚБ, Бала дауысы ҚҚ.
  Акцияның демеушісі: «Gateway Ventures CA Ltd» ЖШС
  Қазақстан аумағында 25 мыңнан астам жетім балалар мен ата-ананың қамқорлығынан айырылған балалар қамқор отбасыларында тәрбиеленеді. Салыстыру үшін айта кетейік, балалар үйлеріндегі жетім балалардың саны 15 мыңнан асатын болса, қамқорлық тәрбиелеудегі балалардың саны 2 мыңды құрайды. Ұзақ жылдар бойы қамқорлық көрсетуші отбасылар мемлекетіміздің тарапынан да, қазақстандық қоғам тарапынан да қолдау көрмей, назардан тыс қалып келді. «Балаларға жылу сыйла» атты республикалық акцияның өткізілуі – бұл Қазақстан елінің тарихындағы қамқор отбасылар мен мұндай отбасыларда тәрбиеленетін жетім балаларға арналған алғашқы қайырымдылық іс-шара болып табылады. Іс-шараның мақсаты – бөтен балалар мен бөгденің қайғысы дегенді «білмейтін» адамдарды қуанту және ынталандыру. Акцияның аясында қамқор отбасылар үшін өзіндік мереке ұйымдастырылды – бірлесіп хайуанаттар бағына бару және көңілді мәре ойындарын өткізу. «Махаббат бұлағы» ҚҚ мен «Жастардың еуразиялық конгресі» ҚБ атынан барлық балаларға естелік сыйлықтар мен мектеп жабдықтарын салуға арналған арқа қоржындар сыйға тартылды.
  

• 5 мамыр 2010ж.
  «Ешкім де ұмыт қалмайды, ештеңе де ұмытылмайды» қайырымдылық акциясы

  Мақсаты: Ұлы Отан соғысының ардагерлері мен тыл еңбеккерлерін Ұлы Жеңістің 65-жылдығымен құттықтау
  Ұйымдастырушылар: «Махаббат бұлағы» ҚҚ, «Жастардың еуразиялық конгресі» ҚБ, «Алматы жастарының конгресі» ҚБ, «М.Тынышбаев атындағы ҚазККА» АҚ
  Акцияның демеушісі: «Apple City Distributors» ЖШС
  2010 жылдың тарихи маңызы бар оқиғаларының бірі Ұлы жеңістің 65-жылдығы болып отыр. 9 мамыр – Ұлы жеңіс мерекесі, біздің ортақ ұлттық мақтанышымыз болып табылады. Бұл тарих пен халықтардың тағдырын өзгерткен оқиға, сондықтан да, Ұлы Отан соғысының батырлары мен құрметті ардагерлеріміз, сондай-ақ тыл еңбеккерлерінің Отан алдында сіңірген еңбегі тарих беттерінде жазылып, біздің жадымызда мәңгі сақталмақ. Ұлы Отан соғысының батырларына деген сый-құрмет белгісі ретінде «Жастардың еуразиялық конгресі» ҚБ, «Махаббат бұлағы» ҚҚ, «Алматы жастарының конгресі» ҚБ мен «М.Тынышбаев атындағы ҚазККА» АҚ бірлесе отырып, 300 ардагер үшін арнайы акция ұйымдастырды. ҚазККа мәжіліс залында қала студенттері және Өзбек мәдени орталығының әртістерінің қатысуымен мерекелік концерт өткізілді. Соғыс жылдарындағы өлеңдер оқылып, әндер шырқалып, қазіргі авторлардың шығармалары оқылып, ардагерлерге деген шексіз алғыс сөздері айтылды. Концертке келген әрбір ардагерге азық-түлік кәрзеңкелері, ет өнімдерінің түрлері мен «Procter& Gamble» компаниясының өнімдері сыйлыққа берілді.
  

• 13 сәуір 2010ж.
  «Қызылағаш балалары» қайырымдылық акциясы

  Мақсаты: «Айналайын» балалар үй, «Д.Рақышев атындағы қазақ мектеп-интернаты» ММ, Жансүгір және Қапал ауылдарының КТМ уақытша орналастырылған Ақсу және Қаратал аудандарының су тасқынынан зардап шеккен балаларға гуманитарлық көмек көрсету
  Ұйымдастырушы: Алматы облысының балалар құқығын қорғау Департаменті және «Жастардың еуразиялық конгресі» ҚБ қолдауымен «Махаббат бұлағы» ҚҚ
  Акцияның демеушілері: «Еуразия транзит групп» ЖШС, «KazSociety» Қоғамы, «Шын кітап» ЖШС
  6 сәуірде өткен Қызылағаш балаларына арналған акция барысында, басты қажеттіліктер туралы балалардың өз ауызынан естіп қайттық. Көрсетіліп жатқан көмектің негізгі бөлігі сыртқы киімдерден құралғандықтан, балалардың арасында іш киім тапшылығы бар көрінеді. Сондай-ақ, 523 баланың 42-сі – мектеп бітіріп, бірыңғай ұлттық тестілеуден өтуі тиіс. Ал дайындық жұмыстарын жүргізу үшін оқу құралдары мен кітаптар ауадай қажет. Балалар үйінде оқу жылының соңына дейін тұруға мәжбүр болып отырған балалардың бос уақытын өткізуге арналған спорт жабдықтары да артық емес. Ер балалар тобы жетекшісінің сөзіне сенсек, Қызылағаш ауылының «жігіттері» баскетбол ойынында басқаларға дес бермесе керек.
  Осыған орай, «Жастардың еуразиялық конгресі» ҚБ мен «Махаббат бұлағы» ҚҚ зардап шеккен балаларға гуманитарлық көмек көрсету акциясын ұйымдастырды. Бұл қайырымдылық акциясына «Еуразия транзит групп» ЖШС, «KazSociety» Қоғамы, сондай-ақ, көмек қолын созған қарапайым адамдар қолдау көрсетті.
  2010 жылдың 13 сәуірінде балаларға «Шын кітап» баспасының кітаптарын, ер және қыз балаларға арналған 1046 жұп шұлық, спорт жабдықтары (футбол, баскетбол және волейбол ойындарына арналған доптар) мен киімдерді жеткіздік.
  Біздің демеушілеріміз - «Еуразия транзит групп» ЖШС, «KazSociety» Қоғамы, «Шын кітап» ЖШС, сондай-ақ көз жұмып отырмай, балаларға қол ұшын созған адамдарға шын жүрегімізден алғысымызды білдіреміз!
  Көмек көрсеткен адамдардың тізімі:
  
  1. «Еуразия транзит групп» ЖШС - 100 000 тг
  2. «KazSociety» Қоғамы - 75 000 тг.
  3. «Шын кітап» ЖШС – кітап сатып алуға 50% жеңілдік
  4. «Спорткоммерц» ЖШС – спорт жабдықтарына сатып алуға 10% жеңілдік
  5. Дина және «Центр Тяжести» волонтерлер форумының мүшелері – балаларға арналған киімдер
  6. Колесникова А.А. - 2000 тг
  7. Марченко О.В. – 1000тг.
  8. Райханова Н. – 2000тг.
  9. Баймолдина Г. – 1000тг.
  10. Искакова Ш. – 1000тг.
  11. Галь Н. – 2000 тг.
  

• 6 сәуір 2010ж.
  «Балаларға қамқорлық» атты қайырымдылық акциясы

  Мақсаты: «Айналайын» балалар үй, «Д.Рақышев атындағы қазақ мектеп-интернаты» ММ, Жансүгір және Қапал ауылдарының КТМ уақытша орналастырылған Ақсу және Қаратал аудандарының су тасқынынан зардап шеккен балаларға гуманитарлық көмек көрсету
  Ұйымдастырушы: Алматы облысының балалар құқығын қорғау Департаменті және «Жастардың еуразиялық конгресі» ҚБ қолдауымен «Махаббат бұлағы» ҚҚ
  Акцияның демеушісі: «Apple City Distributors» ЖШС
  2010 жылдың 11 наурызында Алматы облысының Ақсу және Қаратал аудандарындағы су бөгеттері жарылып, ауыр зардаптарға алып келген қайғылы жағдай орын алды. Бөгеттің шайылуына байланысты Қаратал ауданыдағы 820 тұрғыны бар Жылбұлақ ауылының 140 үйі су астында қалды. Алматы облысының Ақсу ауданында Қызылағаш су бөгетінің жарылуы салдарынан 3 мың адам (оның ішінде 523 бала) тұрып жатқан 257 ауланы су шайып кетті. Мектеп жасындағы барлық балалар оқу жылының соңына дейін «Айналайын» балалар үй, «Д.Рақышев атындағы қазақ мектеп-интернаты» ММ, Жансүгір және Қапал ауылдарының КТМ орналастырылған болатын.
  Төтенше жағдайдың туындауына байланысты, «Махаббат бұлағы» ҚҚ жапа шеккен тұрғындарға көмек көрсету акциясын ұйымдастырды. Біздің акциямызға «Apple City Distributors» ЖШС қолдау көрсетіп, Алматы қаласының балалар құқықтарын қорғау Департаменті де көмек көрсетуден тыс қалмады.
  2010 жылдың 6 сәуірінде біз Талдықорған қаласындағы «Айналайын» балалар үйі мен «Д.Рақышев атындағы қазақ мектеп-интернаты» ММ, сондай-ақ Қапал ауылындағы КТМ үшін көмек көрсетулерді қабылдайтын Жансүгір ауылына жеке бас тазалығын сақтау заттары мен кір жуу ұнтақтарын жеткіздік.
  Қызылағаш оқиғаларынан жапа шеккен адамдардың қайғысына ортақтасып, көмек көрсеткен демеушіміз «Apple City Distributors» ЖШС алғысымызды білдіріп, акцияны ұйымдастыру ісінде көмек қолын созған Алматы облысының балалар құқықығын қорғау Департаменті мен «Жастардың еуразиялық конгресі» ҚБ ерекше ризашылығымызды білдіреміз!
  

• 31 наурыз 2010ж.
  «Қызылағаш ауылының тұрғындарына көмек» қайырымдылық акциясы

  Мақсаты: Қызылағаш ауылының тұрғындарына гуманитарлық көмек көрсету
  Ұйымдастырушы: Алматы облысының балалар құқығын қорғау Департаментінің қолдауымен «Махаббат бұлағы» ҚҚ
  Акцияның демеушісі: «Оптовый клуб» ЖШС - «Арзан» гипермаркеттер желісі
  2010 жылдың 11 наурызында Алматы облысының Ақсу және Қаратал аудандарындағы су бөгеттері жарылып, ауыр зардаптарға алып келген қайғылы жағдай орын алды. Бөгеттің шайылуына байланысты Қаратал ауданыдағы 820 тұрғыны бар Жылбұлақ ауылының 140 үйі су астында қалды. Алматы облысының Ақсу ауданында Қызылағаш су бөгетінің жарылуы салдарынан 3 мың адам тұрып жатқан 257 ауланы су шайып кетті.
  Төтенше жағдайдың туындауына байланысты, «Махаббат бұлағы» ҚҚ жапа шеккен тұрғындарға көмек көрсету акциясын ұйымдастырды. Біздің акциямызға «Арзан Сауда» сауда белгісімен «Оптовый клуб» ЖШС қолдау көрсетіп, Алматы қаласының балалар құқықтарын қорғау Департаменті де көмек көрсетуден тыс қалмады. 2010 жылдың 31 наурызында Қызылағаш ауылындағы қабылдау пунктіне азық-түлік пен киім-кешек түрінде көмек жеткізілді.
  Қызылағаш оқиғаларынан жапа шеккен адамдардың қайғысына ортақтасып, көмек көрсеткен барлық адамдарға шын жүрегімізден алғысымызды айтып, «Оптовый клуб» ЖШС - «Арзан» гипермаркеттер желісі, Алматы облысының балалар құқықтарын қорғау Департаменті мен «Жастардың еуразиялық конгресі» ҚБ ерекше ризашылығымызды білдіреміз!
  Қайырымдылық жасасаң, қайырын өзің көресің дейді қазақ даналығы.
  Су тасқынынан жапа шеккендерге көмек колын созып, акциямызға өз үлесін қосқан адамдарға шын жүрегімізден алғысымызды білдіреміз:
  
  1. Абибулаев Сурен Энверович
  2. Утегенова Кулпан
  3. Молдасанов Абат Канатулы
  4. Стадник Андрей
  5. Туктабаев Д.Н.
  6. Исмагамбетова Жамиля
  7. Каринян З.С.
  8. Новикова Б.Г.
  9. Летунова Светлана Александровна
  10. Керимкулов Е.
  11. Желтаев Нурлан Маратович
  12 . «Джанаева К.Е.» ЖК
  
  

• 16 ақпан 2010ж.
  «Сөмке» атты қайырымдылық акциясы

  Мақсаты: ақыл-ойы кем балаларға арналған интернат үйдің тәрбиеленушілеріне материалдық көмек пен рухани қолдау көрсету
  Ұйымдастырушы: «Махаббат бұлағы» ҚҚ
  Акцияның демеушісі: «Gateway Ventures CA Ltd» ЖШС
  Бүгінгі таңда ақыл-ойы кем балаларға арналған интернат үйінде 4-18 жас аралығындағы 160 тәрбиеленуші тұрып жатыр. Бұл науқастану дәрежесі жеңіл және өте ауыр түрдегі мүгедек балалар. Соған қарамастан, бұл балалар спортпен шұғылданып, түрлі спорт үйірмелеріне қатысады. Осыған орай, жас бүлдіршіндерге спорт жабдықтарын салып жүруге арналған сөмкелер қажет.
  Акцияның аясында спорт үйірмелеріне қатысатын барлық балаларға арнайы сөмкелер табыс етілді. Ақыл-ой кем балаларға арналған интернат үйінің тәрбиеленушілері қоғамымыздың тарапынан көрсетілетін көмекке мұқтаж жандар. Бұл балаларға жүрек жылуын беру мен қамқорлық жасау – біздің міндетіміз екенін ұмытпаңыздар.
  
  

• 24 желтоқсан 2009ж.
  «Мейірімді жан» қайырымдылық акциясы

  Мақсаты: Талғар қаласындағы «Қазақ зағип жандар қоғамы» ҚБ Оқу-өндірістік кәсіпорынның жұмысшыларына материалдық көмек пен рухани қолдау көрсету
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Талғар қаласындағы көзі көрмейтін мүгедек жандандардың ауыр жағдайы туралы ақпарат келіп түскен соң, комбинатқа барып, бұл адамдардың тұрмысы мен жұмыс жағдайын өз көзімізбен көріп қайтуды жөн көрдік. Кеңес одағы заманында Талғар қаласындағы бұл кәсіпорын ең бай комбинаттардың бірі болатын. Мұнда 50 түрлі тауар шығаратын 750 адам жұмыс істеген. Қазіргі уақытта «зағип жандар қалашығында» (халық арасында осылай аталатын көрінеді) 114 адам жұмыс істесе, олардың 72-сі – бірінші және екінші топтың мүгедектері. Кір қысқыштар, түймелер мен үй жануарларына тағылатын нөмірлі тақтайшаларға деген тапсырыс көлемі күрт төмендеп кетті. Өкінішке орай, «Қазақ зағип жандар қоғамы» ҚБ ОӨК өнімдерін сатып алатын адамдар саусақпен санарлық. Саудагерлер үшін 2,5 теңгенің түймесін сатып алудан гөрі, қытайлық немесе ресейлік арзан түймелерді алған әлдеқайда тиімді. Соған қарамастан, талғарлық комбинаттың өнімдері өте сапалы. Тапсырыстардың аздығын былай қойғанда, құрал-жабдықтардың да тозығы жеткен. 11 құрылғының небары төртеуі жұмыс істеп тұр. Сондай-ақ, өндірістік цех пен кәріз жолдарын күрделі жөндеуден өткізу қажет. Сонымен қатар, жұмысшылардың айлығын төлеу мәселесі де қиындық тудырып отыр (орташа жалақы 15 000 теңгені құрайды): жұмысшылар айлықтарының небары 10% алып отыр, себебі комбинаттың коммуналдық қызмет алдында үлкен қарызы бар көрінеді. Жұмыс орындары мен комбинаттың өзін сақтап қалу үшін, зағип жандар жұмыстарын жалғастыра беруге мәжбүр. Осыған орай, Жаңа жыл мерекесінің қарсаңында біздің қор Талғар қаласының «Қазақ зағип жандар қоғамы» ҚБ ОӨК барлық жұмысшыларына материалдық көмек жасап, жеке бас тазалығын сақтауға арналған заттар мен жуу құралдарын (шампунь, кір ұнтағы, тіс пастасы, сабын және т.б.) тарту етті.
  
  

• 24 желтоқсан 2009ж.
  «Құрғақ жаялықшалар» қайырымдылық акциясы

  Мақсаты: Қарақастек ауылындағы облыстық балалар үйінің тәрбиеленушілерін жаялықшалармен қамтамасыз ету
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Бүгінгі таңда Қарақастек ауылындағы балалар үйінде туылған күнінен бастап 7 жасқа дейінгі 83 бүлдіршін тұрып жатыр. Алматы қаласына жақын орналасқанымен, бұл балалар үйіне демеушілік көмек өте сирек келіп, негізінен тек мемлекеттік бюджеттің есебінен қаржыландырылады. Алматы қаласындағы балалар үйлері мен мектеп-интернаттардың тәрбиеленушілеріне көрсетілетін көмектің Қарақастек ауылының балалар үйіне жетпейтіні айтпаса да түсінікті. Ал шешімін таппай жатқан мәселелер бастан асарлық. Бұл балалар үйіндегі ең қиын мәселе – тозығы жеткен жалғыз кір жуғыш машина мен кептіру құрылғысы атымен жоқ кір жуу орнының ауыр жағдайы. Қыстың түсуімен бұл мәселе қиындай түсті, жуылған киімдерді алдымен далада кептіріп, кейіннен бөлменің ішіне кіргізіп, толық кепкенше күтуге тура келеді. Сондай-ақ, балалар үйінің ғимараты да күрделі жөндеу жұмысын қажет етеді: жылыту жүйесі нашар, қабырғаларындағы тесіктерден жел ұрып тұрады. Сол себептен де, балалар ғимараттың 1 қабатынан біршама болса да жылы көрінетін 2 және 3 қабаттарға көшірілген. Балалардың осы қыстан тоңбай жылы шығуын қамтамасыз ету мақсатында біз оларды жаялықшалармен қамтамасыз еттік. Қарақастек балалар үйі әл-ауқатты адамдардың көмегіне мұқтаж. Ал оларға осы қолдау мен қамқорлықты беру, балалардың өміріндегі шешімін таппай жатқан әлеуметтік мәселелерге қоғамның назарын аудару – біздің міндетіміз.
  
  

• 26 қараша 2009ж.
  «Алғыс айту күні» қайырымдылық акциясы

  Мақсаты: Талғар қаласындағы «Нұр» отбасылық қайырымдылық балалар үйі мен «Кеме» балалар үйінің тәрбиеленушілеріне материалдық көмек пен рухани қолдау көрсету
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Қазіргі кезде Алматы қаласындағы әлеуметтік мекемелерге қарағанда, облыстық балалар үйлері мен мектеп-интернаттардың жағдайы әлдеқайда нашар. Сол себептен де, «Алғыс айту» күніне орай «Махаббат бұлағы» ҚҚ мен тұрақты демеушіміз «Apple City» ЖШС Талғар қаласындағы «Нұр» отбасылық қайырымдылық балалар үйі мен «Кеме» балалар үйінің тәрбиеленушілерін бір қуантып қайтуды ұйғарды. «Нұр» отбасылық қайырымдылық балалар үйінде жасы 4 басталатын 110 бала тұрып жатыр. Бұл балалар үйінің басқалардан ерекшелігі – ондағы балалардың бір отбасын құрап тұратындығында жатыр. «Кеме» балалар үйінде 4-20 жас аралығындағы 56 мүгедек бала тәлім-тәрбие алады. Акцияның аясында мүгедек балаларға суық түсуімен айрықша қажетті жаялықшалар, сондай-ақ жуғыш және тазалау құралдары (кір жуу ұнтағы, иіс сабын, шампунь, тіс пастасы, тіс ысқыш және т.б.) тапсырылды. Облыстық балалар үйлерінің тәрбиеленушілері қоғамның айрықша назарына мұқтаж жандар. Ал оларға осы қолдау мен қамқорлықты беру, балалардың өміріндегі шешімін таппай жатқан әлеуметтік мәселелерге қоғамның назарын аудару – біздің міндетіміз.
  
  

• 25 қараша 2009ж.
  «Етіктер» атты қайырымдылық акциясы

  Мақсаты: №2 балалар үйінің тәрбиеленушілеріне материалдық көмек көрсету
  Ұйымдастырушы: «Махаббат бұлағы» ҚҚ
  Акцияның демеушісі: «Еуразия Транзит Групп» ЖШС
  Алғыс айту күнінне орай «Махаббат бұлағы» ҚҚ мен «Еуразия Транзит групп» ЖШС №2 балалар үйінің 20 тәрбиеленуші қыздарын қуантып, олардың әрбіреуіне әдемі жаңа етіктерді сыйға тартты. Бұл қайырымдылық акциясы балалар үшін өте өзекті, себебі әдетте, балалар үйлерінде аяқ-киімдер бірдей түрде сатып алынып, баса назар оның бағасына аударылады. «Еуразия Транзит групп» компаниясының өкілдері алып келген әдемі, ыңғайлы аяқ-киімдер қыз балаларды қуантпай қоймады. Бұл етіктерді сабаққа барса да, қыдыруға шықса да ұялмай киіп алуға болады.
  
  

• 28 қазан 2009ж.
  «Әрбір үйге қуаныш» қайырымдылық акциясы

  Мақсаты: «Эльдани» БҚҚ тіркеуде тұрған мүгедек балаларға материалдық көмек пен рухани қолдау көрсету
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Бүгінгі таңда «Эльдани» балалар қайырымдылық қорында психикалық және дене дамуында кемшіліктері бар 600 астам балалар мен жасөсіпірімдер тіркеуде тұр. Олардың араларында жағдайы өте ауыр балалар да бар. Үнемі үйдің ішінде, тіпті төсекке таңылып жатқандары да аз емес. Сол себептен де, мұндай балаларға көрсетілген көмек пен қамқорлық баға жетпес қайырымдылық болып табылады. Акцияның аясында «Махаббат бұлағы» және «РУХ» Жастар одағының мүшелері әрбір балалаға мереке сыйлау мақсатында адам бойымен бірдей ойыншықтар: шошқа, қоян мен тышқанды ертіп әкеліп, балаларға арналған нағыз қойылымды көрсетті. Сонымен қатар, әрбір балаға “PAMPERS” жаялықшалары таратылды. Әрбір балаға бір айдың ішінде шамамен 100-150 дана жаялықша жұмсалады екен. Демеушіміз «Apple City LLC» ЖШС бірлесе отырып, «Махаббат бұлағы» ҚҚ балалардың ата-аналарына үлкен көмек жасап, жаялықшалардың бір айлық қажеттілігін қамтамасыз етті.
  
  

• 20 қазан 2009ж.
  «Бірінші сынып оқушылары» атты қайырымдылық акциясы

  Мақсаты: «Жанұя» мамандандырылған кешеннің тәрбиеленушілерін жаңа оқу жылының басталуымен құттықтау
  Ұйымдастырушы: «Махаббат бұлағы» ҚҚ
  Акцияның демеушісі: «Gateway Ventures CA LTD» ЖШС
  «Жанұя» мамандандырылған кешенінде 350 бала тәлім-тәрбие алады. Бұл ақыл-ой дамуы артта қалған балалар. Биылғы жылы олардың басым көпшілігі бірінші сынып пен дайындық сыныптарына барды. Жаңа оқу жылының басталуымен дәл осы балаларды құттықтауды жөн көрдік. Бірінші сыныпқа бару - әрбір баланың өміріндегі маңызды қадам. Акцияның аясында балаларға толыққанды білім алуға қажетті заттар, яғни сөмкелер мен кеңселік заттар (дәптерлер, сурет салу альбомдары, пластилин, қарындаштар мен т.б. ) тарту етілді. Бұл бүлдіршіндерге оқуларында сәттілік пен тек «бестік» баға алуды тілейміз!
  
  

• 5 қазан 2009ж.
  «Жаңа оқу жылы» қайырымдылық акциясы

  Мақсаты: Т.Рысқұлов атындағы ҚазЭУ Экономика колледжінде білім алатын балалар үйлерінің тәрбиеленушілерін құттықтау
  Ұйымдастырушы: «Махаббат бұлағы» ҚҚ
  Акцияның демеушісі: «Gateway Ventures CA LTD» ЖШС
  Т.Рысқұлов атындағы ҚазЭУ Экономика колледжінде білім алатын студенттердің қатарында балалар үйлерінің тәрбиеленушілері – жетім балалар да бар. Бұл балалар Экономикалық колледждің есебінен білім беру гранттарының негізінде тегін оқытылады. «Махаббат бұлағы» ҚҚ осы балаларға қолдау көрсетіп, жаңа оқу жылының басталуымен құттықтап өтті. Қордың қызметкерлері балаларға арнайы сөмкелерді сыйға тартып, ізгі тілектерін білдірді. Бұл балалардың біздің үмітімізді ақтап, өз ісінің қас шеберлеріне айналатыныдарына сенімдіміз!
  

• 24 қыркүйек 2009ж.
  Армандар орындалады!

  «Махаббат бұлағы» қоғамдық қоры Т.Рысқұлов атындағы ҚазЭУ Экономика колледжінің қолдауымен Алматы қаласындағы №2 балалар үйінің тәрбиеленушісі Лодяная Еленаның арманын орындады. Лодяная Елена биылғы жылы мектеп бітіріп, қаламыздың үздік колледждерінің бірінде «Есеп және аудит» мамандығы бойынша білім алуды армандаған болатын. Оны арманы туралы «Алматы» телеарнасында Абдуллаева Наргиз есімді мейірімді журналисттің бағдарлмасынан естіген болатынбыз. Міне, дағдарыс жағдайы мен бүгінгі әлемнің шынай кейпіне қарамастан, армандардың орындалып жатқанын мақтанышпен айта аламыз! Колледждің әкімшілігі Лодяная Еленаға білім беру грантын тарту етті. Осыған орай, Еленаны құттықтай отырып, оқу ісінде тек сәттілік тілейміз! Ленаның өзіне жүктелген үмітті ақтап, жақсы маман болып шығатынына сенімдіміз! Т.Рысқұлов атындағы ҚазЭУ Экономика колледжі мен колледждің директоры Есмұқанов Кәрім Есмұқанұлына көрсеткен қолдауы үшін үлкен алғысымызды білдіріп, болашақта арамыздағы ынтымақтастықтың өз жалғасын табатынына үміттенеміз!
  

• 22 қыркүйек 2009ж.
  «Мейірімді қамқорлық» қайырымдылық акциясы

  Мақсаты: Шелек ауылының облыстық мамандандырылған балалар үйінің тәрбиеленушілеріне материалдық көмек пен рухани қолдау көрсету
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Қазіргі уақытта балалар үйінде туылған күннен бастап 5 жасқа дейінгі аралықтағы 50 бала тәлім-тәрбие алады. Акцияның аясында суық түсуімен ерекше қажеттілікке ие жаялықшалар, сондай-ақ жуғыш және тазалау құралдары тапсырылды. Балалар үйінің тәрбиеленушілері қоғам мүшелерінің ерекше ықыласы мен қамқорлығына зәру. Ал оларға осы қолдау мен қамқорлықты беру, балалардың өміріндегі шешімін таппай жатқан әлеуметтік мәселелерге қоғамның назарын аудару – біздің міндетіміз.
  
  

• 31 тамыз 2009ж.
  «Мектепке барар жол» атты қайырымдылық акциясы

  Акцияны өткізу орны: Жезқазған қаласы, Сатпаев қаласы, Рудник қаласы «Ата-ананың қамқорынсыз қалған балалар, жеткілікті түрде қамтамасыз етілмеген, көп балалы және тұрмысы нашар отбасынан шыққан балаларға арналған Жезқазған қалалық интернаты» ММ
  «Үміт» балалар үйі «Мерей» балалар үйі Отбасы түріндегі балалар үйі
  Ұйымдастырушы: «Махаббат бұлағы» қоғамдық қоры (Алматы қ.)
  Акцияның демеушісі: “Gateway Ventures (CA) Ltd” ЖШС мен “APPLE CITY” ЖШС
  Іс-шараның мақсаты: балалар үйлерінің тәрбиеленушілерін мектепке дайындау
  Балалардың мектепке баратын уақыты келгенде, олардың ата-аналары ақ көйлек пен спорт костюмдерінен бастап, кеңселік заттар мен сөмкелерге дейін дайындауды қолға алады. Өкінішке орай, барлық балалардың мұндай ата-аналары мен жақын адамдары жоқ. Акцияны ұйымдастырушы «Махаббат бұлағы» ҚҚ Жезқазған, Сатпаев және Рудник қалаларындағы балалар үйлерінің әкімшіліктеріне балаларды мектепке дайыдау ісінде көмек көрсетуді ұйғарып, барлық тәрбиеленушілерге жаңа оқу жылының қарсаңында арнайы сыйлықтарды тарту етті. Сондай-ақ, бұл акция азаматтық қоғам мен әлеуметтік жауапты іскер ортаны дамытудағы кезекті сәтті қадам болды. «Махаббат бұлағы» ҚҚ қызметкерлері бірінші болып «Ата-ананың қамқорынсыз қалған балалар, жеткілікті түрде қамтамасыз етілмеген, көп балалы және тұрмысы нашар отбасынан шыққан балаларға арналған Жезқазған қалалық интернатына» келді. Қалалық интернат қабырғасында 6-18 жас аралығындағы 138 бала тәлім-тәрбие алады. Жаңа оқу жылының басталуына арналған салтанатты жиында интернаттың директоры Сейіткәрімов Тұрар Сейіткәрімұлы сөз сөйлейді. Осыдан кейін балаларды «Apple City Distributors» ЖШС Жезқазған қаласындағы бөлімшесінің директоры Плютто Сергей Иосифович пен «Махаббат бұлағы» ҚҚ директоры Асылбеков Руслан Еслямбекұлы құттықтады. Өз кезегінде, мектеп-интернаттың тәрбиеленушілері келген қонақтар мен өз ұстаздарына арнайы мерекелік концерт ұйымдастырды. Әрбір балаға мектепке арналған сөмке, сондай-ақ жеке бас тазалығын сақтауға арналған заттар, жуғыш және тазалау құралдары тарту етілді. Сонымен қатар, BRAUN фирмасының үтіктері мен электр шәйнектері сыйлыққа берілді.
  Акцияның екінші кезегінде 37 баланы тәрбиелеп отырған «Үміт» балалар үйі болатын. Мұнда да балаларға мектеп сөмкелері, жеке бас тазалығын сақтауға арналған заттар, жуғыш және тазалау құралдары, BRAUN фирмасының үтіктері мен электр шәйнектері тарту етілді.
  Осыдан кейін Рудник қаласындағы «Мерей» балалар үйі мен «Отбасы түріндегі балалар үйінің» тәрбиеленушілерінің кезегі келді. Мұнда, сәйкесінше, 50 және 78 бала тәрбиеленеді. Балалар үйлерінің барлық тәрбиеленушілеріне мектеп сөмкелері, сондай-ақ жеке бас тазалығын сақтауға арналған заттар, жуғыш және тазалау құралдары, BRAUN фирмасының үтіктері, электр шәйнектер мен ыдыс-аяқ берілді.
  Осылайша, бұл акция 303 баланы қамтыды. Бұл балалардың қоғамның қамқорлығы мен махаббатына мұқтаж екендері сөзсіз. Сол себептен де, балалар үйлері мен мектеп-интернаттардың тәрбиеленушілерінің әлеуметтік жағдайына көңіл бөліп қана қоймай, осындай қайырымдылық шараларын жиі ұйымдастырып, мұқтаж жандардың барлығына мүмкіндігінше көмек көрсету қажет.
  
  

• 24 маусым 2009ж.
  «Балаларға жүрек жылуын бер» қайырымдылық акциясы

  Мақсаты: Қаскелең ауылының жәрдем беру мектеп-интернатының тәрбиеленушілеріне көмек көрсету
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Қазіргі уақытта бұл мектеп-интернатта 175 бала тұрып жатыр. Бұл балалар қоғам мүшелерінің қамқорлығы мен көмегіне зәру. Сол себептен де, Қаскелең ауылының жәрдем беру мектеп-интернатының тәрбиеленушілерінің өміріндегі әлеуметтік мәселелерге қоғамның көңілін аудару үлкен маңызға ие.
  Акцияның аясында мектеп-интернаттың тәрбиеленушілеріне қажетті жуғыш және тазалау құралдары, жеке бас тазалығын сақтауға арналған заттар (шампунь, сабын, тіс пастасы, тіс ысқыш, кір жуу ұнтағы, Fairy, Mr. Proper, Comet және т.б.) мен тұрмыстық техника (электр шәйнектер мен үткітер) тарту етілді.
  Біздің болашағымыз - өсіп келе жатқан ұрпақтың тәрбиесіне байланысты болмақ!
  
  

• 23 маусым 2009ж.
  «Жүректен жүрекке» қайырымдылық акциясы

  Мақсаты: ақыл-ойы кем кем балаларға арналған интернат үйдің тәрбиеленушілеріне материалдық көмек пен рухани қолдау көрсету
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Бүгінгі таңда ақыл-ойы кем балаларға арналған интернат үйінде 4-18 жас аралығындағы науқастану дәрежесі жеңіл және өте ауыр жағдайдағы 160 бала тұрып жатыр. Акцияның аясында интернат үйінің тәрбиеленушілеріне қажетті жеке бас тазалығын сақтауға арналған заттар мен жаялықшалар, жуғыш және тазалау құралдары тапсырылды.
  Ақыл-ойы кем кем балаларға арналған интернат үйінің тәрбиеленушілері қоғамның қамқорлығына зәру. Ал оларға осы қамқорлық пен махаббаты сыйлау біздің міндетіміз.
  
  

• 9 мамыр 2009ж.
  «Ешкім де ұмыт қалмайды, ештеңе де ұмытылмайды» қайырымдылық акциясы

  Мақсаты: Ұлы Отан соғысының ардагерлері мен тыл еңбеккерлерін Ұлы Отан соғысының 64-жылдығымен құттықтау
  Ұйымдастырушы : «Махаббат бұлағы» ҚҚ
  Акцияның демеушісі: «Арзан сауда» ЖШС
  Осы күні 28-панфиловшы саябағына жиналған Ұлы Отан соғысының ардагерлері мен тыл еңбеккерлері үшін арнайы акция ұйымдастырылды. 300 ардаргерге азық-түлік кәрзеңкелері, сондай-ақ Республика Сарайындағы М.Шахановтың концерттік кешіне билеттер таратылды.
  Бұл акция фашизмге қарыс ұлапат соғыста соңғы қасық қаны қалғанша күресуге дайын болған ардагерлерге деген сый-құрметтің белгісі ретінде ұйымдастырылды.
  
  
  

• 7 мамыр 2009ж.
  «Біздің алғысымыз мәңгі болмақ» қайырымдылық акциясы

  Мақсаты: Ұлы Отан соғысының ардагерлері мен тыл еңбеккерлерін Ұлы Отан соғысының 64-жылдғымен құттықтау
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Бұл іс-шара Ұлы Отан соғысының 64-жылдығына орай ұйымдастырылған болатын. Акцияға 300 ардагер қатысты.
  Ұлы Отан соғысының ардагерлері мен тыл еңбеккерлерін ҚазЭУ проректоры Алексей Швыдко, «Apple City Distributors» компаниясы департаментінің директоры Анатолий Галунщиков, қордың директоры Руслан Асылбеков құттықтап, алғыс сөздерін айтып, барлық ардагерлерге азық-түлік кәрзеңкелерін, ет өнімдері мен «Procter& Gamble» компаниясының өнімдерін тарту етті.
  Ұйымдастырылған іс-шараның аясында Әл-Фараби атындағы КазҰУ, М.Тынышбаев атындағы ҚазККА мен ҚазҰАУ студенттері дайындаған мерекелік концерт өткізілді. Соғыс жылдарындағы әндер мен жүрек жарды өлеңдер оқылып, қазіргі авторлардың шығармаларына да орын табылды. Студенттер бұл мерекені: «Әрбір жыл Сіздерге жаңа күш пен қуат әкеліп, біздің жүректерімізден шыққан жылулықты сыйлай берсін. Біз, Сіздердің балаларыңыз бен немерелеріңіз, Сіздерді шексіз жақсы көреміз» деген тамаша сөздермен аяқтады.
  
  
  

• 3 сәуір 2009ж.
  «Көмек қолын созу» қайырымдылық акциясы

  Мақсаты: жетім балаларды бассейнге баруға қажетті заттармен қамтамасыз ету
  Акцияны ұйымдастырушы және демеуші: «Махаббат бұлағы» ҚҚ
  № 2 балалар үйінің тәрбиеленушілеріне бассейнге баруға арнайы абонемент бөлінгенімен, балаларға қажетті ашық аяқ киім мен көзілдіріктерді сатып алу қарастырылмаған. Осыған орай, «Махаббат бұлағы» ҚҚ балаларға көмек қолын созып, олардың өздерін жақсы сезініп, бассейнде шомылып қайту мүмкіндігінен айырылып қалмаулары үшін арнайы аяқ киімдер мен көзілдіріктерді сыйға тартты.
  

• 30 желтоқсан 2008ж.
  «Сіздер бұл өмірде жалғыз емессіздер...» қайырымдылық акциясы

  Мақсаты: мүгедектер мәселесіне қоғамның назарын аудару, мүгедек адамдарға көңіл бөліп арнайы сыйлықтар сыйлау
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Бұл қайырымдылық акция Бостандық ауданының мүгедектеріне арналды. Акцияны өткізу барысында мүгедек адамдардың күнделікті өмірде тап болатын ауыр мәселелері ашық айтылды. Бұл дәріханалардағы қажетті дәрі-дәрмектің жоқтығы, емханалардағы бірнеше сағатқа созылатын кезектер, азық-түлік пен бірінші кезектегі қажеттіліктердің қымбаттығы.
  Акцияның аясында ардагерлерге азық-түлік кәрзеңкелері мен арнайы сыйлықтар тарту етілді.
  

• 24 желтоқсан 2008ж.
  «Жаңа Жыл» қайырымдылық акциясы

  Мақсаты: мектеп-интернаттың тәрбиеленушілеріне сыйлықтар сыйлау
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Жаңа Жыл – ең ғажайып мерекелердің бірі! Бұл күні барлық аналар мен әкелер, аталар мен әжелер, апайлар мен ағайлар өздерінің ең қымбатты да аяулы жалғыз балаларына ұмытылмайтын сыйлық жасауға тырысады. Бұл жас бүлдіршіннің қуанышқа толы көздері, саңқылдаған күлкісі мен ыстық құшағы үшін жасалатыны анық... Әрбір бала Жаңа Жыл мерекесінен тылсым ғажайып пен құпиялаларға толы ертегіні күтеді...
  Алайда, осы күні сыйлық сыйлап құшағына алатын жақын адамдары жоқ балалар қаншама...
  «Apple City LLC» ЖШС бірлесе отырып «Махаббат бұлағы» ҚҚ осындай балаларға жаңа жылдық мереке ұйымдастыруды қолға алды. №7 мектеп-интернаттың 150 тәрбиеленушісі Жаңа Жыл мерекесінің қарсаңында арнайы сыйлықтарға ие болды!
  

• 1-31 қазан 2008.
  «Қарт адамдар айлығы» қайырымдылық акциясы

  Мақсаты: Бостандық ауданының жалғыз басты зейнеткерлерін, мүгедектер мен соғыс ардагерлерін құттықтау
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Қарт адамдардың бізден қамқорлықты күтетіндері сөзсіз, әсіресе, Қарттар күнінде жастардан құттықтау сөздерін есту олар үшін үлкен қуаныш. Осыған орай, Бостандық ауданы әкімінің қолдауымен «Махаббат бұлағы» ҚҚ мен «Apple City LLC» ЖШС бірлесе отырып қарт адамдарды құттықтау ісін қолға алды. Акцияның аясында Әлеуметтік үйде тұрып жатқан қарттар, Ұлы Отан соғысының ардагерлері мен тыл еңбеккерлері, мүгедектер мен жалғыз басты зейнеткерлерге азық-түлік кәрзеңкелері таратылып, спорттық қайырымдылық іс-шаралары (шахмат, дойбы, түрлі жарыс ойындары) ұйымдастырылды.
  

• 3 қыркүйек 2008ж.
  «Оқу жылы» қайырымдылық акциясы

  Мақсаты: мүгедектердің ауыр жағдайына қоғамның назарын аудару, мүгедек балалардың ата-аналарына оларды мектепке дайындау ісінде көмек көрсету
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Бұл қайырымдылық акция Бостандық ауданының мүгедек балаларына арналды. Акцияны өткізу барысында мүгедек балалардың күнделікте өмірде тап болатын ауыр мәселелері ашық айтылды. Бұл дәріханалардағы қажетті дәрі-дәрмектің жоқтығы, емханалардағы бірнеше сағатқа созылатын кезектер, азық-түлік пен бірінші кезектегі қажеттіліктердің қымбаттығы. Ал мүгедек балалардың ата-аналары үшін балаларды мектепке дайындау ең ауыр мәселелердің бірі болып табылады.
  Акцияның аясында мүгедек балаларға мектепке қажетті кеңселік заттар мен арнайы сөмкелер сыйға тартылды.
  
  

• 6 тамыз 2008ж.
  «Үйдің ішіндегі жөндеу жұмыстары» қайырымдылық акциясы

  Мақсаты: №2 балалар үйінің әкімшілігіне жөндеу жұмыстарын жүргізуге көмектесу
  Акцияны ұйымдастырушы және демеуші: «Махаббат бұлағы» ҚҚ
  Жөндеу жұмыстары көп күш пен уақытты қажет етіп қана қоймай, көптеген материалдық шығындарды да талап ететіні анық. Ал балалар үйінің әкімшілігі мұндай қаражатты өздігінен көтеріп кетуі екіталай. Балаларға әдемі ұйықтау бөлмелері мен көңіл көтерерлік дәліздерді сыйлау мақсатында «Махаббат бұлағы» ҚҚ жөндеу жұмыстарын жүргізуге қаражат бөлді.
  

• 1 шілде 2008ж.
  «Лагерьге барайық» қайырымдылық акциясы

  Мақсаты: №2 балалар үйінің әкімшілігіне тәрбиеленушілерді Тараз қаласындағы жазғы демалыс лагеріне жіберу ісін ұйымдастыруда көмек көрсету
  Акцияны ұйымдастырушы және демеуші: «Махаббат бұлағы» ҚҚ
  Балалар үшін жазғы демалыс уақытында арнайы ұйымдастырылған лагерьде демалып қайтудан артық қуаныштың жоғы сөзсіз... Жазғы демалыс уақытында балалардың толыққанды демалып, оқу жылын сергек бастауын жазғы демалу лагерьлерінен басқа ешбір орын қамтамасыз ете алмайтын шығар. Жақсы ұйымдастырылған жазғы демалыс балалардың денсаулығының кепілі. Лагерьде өткен жазғы демалыс балалардың демалуымен қатар, күнделік тірліктің қамын ұмытып, жаңа достар тауып, серпіліп қайтуға мүмкіндік береді.
  «Махаббат бұлағы» ҚҚ №2 балалар үйінің әкімшілігіне Тараз қаласындағы балалар лагерінде демалып қайтуға арналған 40 тәрбиеленуші мен 2 тәрбиешінің жол ақысын төлеуге көмектесті.
  Балаларды жазғы демалыс сапарына аттандыру үшін небары екі күннің ішінде қажетті соманы жинау қажет болды. Төменде есімдері аталған мейірімді адамдардың арқасында қажетті сома дер кезінде жиналып, балалар көптен күткен жазғы демалыстарына жөнелтілді:
  
  1) Низамединова Турахан Абдрахмановна - 5 000 тенге
  2) Посины Артем и Наталья - 20 000 тенге
  3) Шнякина Надежда Николаевна - 12 000 тенеге
  4) Казанцева Светлана Валерьевна - 3 000 тенге
  5) Гладких Марина Александровна - 10 000 тенге
  

• 12 маусым 2008 ж.
  «Мектепке дайындық» қайырымдылық акциясы

  Мақсаты: балалар үйлерінің тәрбиеленушілері мен мүгедек балаларды мектепке дайындау
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Балалардың мектепке баратын уақыты келгенде, олардың ата-аналары ақ көйлек пен спорт костюмдерінен бастап, кеңселік заттар мен сөмкелерге дейін дайындауды қолға алады. Өкінішке орай, барлық балалардың мұндай ата-аналары мен жақын адамдары жоқ.
  Акцияның аясында № 1 және №2 балалар үйлерінің тәрбиеленушілеріне, «Эльдани» БҚҚ тіркеуде тұрған мүгедек балаларға, сондай-ақ, Қаскелең жәрдем беру мектеп-интернатының тәрбиеленушілеріне көмек көрсетілді.
  Мүгедек балалар мен балалар үйлерінің тәрбиеленушілеріне сөмкелер мен мектепке қажетті кеңселік заттар тарту етілді.
  
  

• 5 желтоқсан 2007ж.
  «Кедергілерді бірге жеңеміз» қайырымдылық акциясы

  Мақсаты: Жастар үйінің тәрбиеленушілеріне ағылшын тілін үйренуде көмек көрсету
  Акцияны ұйымдастырушы және демеуші: «Махаббат бұлағы» ҚҚ
  Жастар үйінде 18-29 жас аралығындағы балалар үйлері мен мектеп-интернаттардың түлектері тұрады. Жастар үйінде олар білім алып, өз қызығушылықтарына сәйкес арнайы үйірмелерге қатысады. «Махаббат бұлағы» ҚҚ бүгінгі таңда әрбір маманның болашақ мансабына қажетті өмір талабына айналған ағылшын тілін үйрену ісіне өз үлесін қосуды ұйғарды. Осы мақсатта «Махаббат бұлағы» ҚҚ Жастар үйін ағылшын тілінің оқытушысымен қамтамасыз етіп, оқу құралдары мен тақтаны сыйға тартты. Осы акцияның арқасында Жастар үйінің тәрбиеленушілері ағылшын тілін үйрену ісіне білек сыбанып кірісті.
  

• 6 наурыз 2007ж.
  «Қамқорлық» қайырымдылық акциясы

  Мақсаты: мектеп-интернаттың тәрбиеленушілеріне спорт жабдықтары, мектепке қажетті кеңселік заттар, сондай-ақ ыдыс-аяқ пен жиһаз сыйлау.
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  №5 мектеп-интернаты есту қабілеті нашар балаларға арналған оқу орны. Мұнда жеткілікті түрде қамтамасыз етілмеген және көпбалалы отбасыларынан шыққан балалар, сондай-ақ жетім балалар тәрбие алады.
  Бұл балалар дыбыстарды есту қуанышынан айырылса да, әдеттегі балалардан кем емес. Олар сурет салу, ойнау, сабақ оқуды ұнатады... Бұл мектеп-интернаттағы спорт жабдықтары ескіріп, «Махаббат бұлағы» ҚҚ балаларға көмек қолын созуды ұйғарды. Спорт жабдықтарымен қатар, интернатқа қажетті жиһаз бен ыдыс-аяқ сатып алынып, балаларға мектепке қажетті кеңселік заттар сыйға тартылды. Енді балалар сабақтарын оқып, бос уақыттарын салауатты өмір салтына арнай алады.
  

• 28 желтоқсан 2006ж.
  «Жаңа жылдық ғажайып» қайырымдылық акциясы

  Мақсаты: мүгедек балаларға жаңа жылдық сыйлықтар сыйлау
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Жаңа Жыл – ең ғажайып мерекелердің бірі! Бұл күні барлық аналар мен әкелер, аталар мен әжелер, апайлар мен ағайлар өздерінің ең қымбатты да аяулы жалғыз балаларына ұмытылмайтын сыйлық жасауға тырысады. Бұл жас бүлдіршіннің қуанышқа толы көздері, саңқылдаған күлкісі мен ыстық құшағы үшін жасалатыны анық... Әрбір бала Жаңа Жыл мерекесінен тылсым ғажайып пен құпиялаларға толы ертегіні күтеді...
  Алайда, осы күні сыйлық сыйлап құшағына алатын жақын адамдары жоқ балалар қаншама...
  «Apple City LLC» ЖШС бірлесе отырып «Махаббат бұлағы» ҚҚ осындай балаларға жаңа жылдық мереке ұйымдастыруды қолға алды. Ақыл-ойы кем балаларға арналған Талғар мектеп-интернатының тәрбиеленушілері түрлі сыйлықтар мен мектепке қажетті кеңселік заттарды сыйға алды.
  

• 26 желтоқсан 2006ж.
  «Жаңа Жылдық сыйлық» қайырымдылық акциясы

  Мақсаты: онкология және радиология жөніндегі ҚазҒЗИ емделіп жатқан балаларға жаңа жылдық сыйлықтар сыйлау.
  Акцияны ұйымлдастырушы және демеуші: «Махаббат бұлағы» ҚҚ
  Қиындықтарға толы жыл аяқталып, келер жылдан үлкен үміт күткен жас бүлдіршіндерге жаңа жылдық ертегіні сыйлау үшін сиқыршы болудың қажеті жоқ. Ал ересек адамдардың арасында мұндай істен тайынбайтындар кемде кем. «Махаббат бұлағы» ҚҚ онкология және радиология жөніндегі Қазақ ғылыми-зерттеу институтында емдеуде жатқан балаларға сыйлық жасады. Бұл ғажайып түнде сыйлықтар, төсек-орын жабдықтары, сурет салуға арналған тақтайшалар мен түрлі ойыншықтар алған балалар ғана қуанып қйоған жоқ, оларға қуаныш сыйлап бір сәтке сыйқыршыларға айналған біздің өзіміз де қайталанбас сезімдерді бастан кешірдік.
  

• 22 тамыз 2006ж.
  «Мектепке баратын уақыт та келді...» қайырымдылық акциясы

  Мақсат: Жетім балалар, мүгедек балалар, тұрмысы нашар және жеткілікті түрде қамтамасыз етілмеген отбасылардан шыққан балаларды жаңа оқу жылына дайындау.
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Балалардың мектепке баратын уақыты келгенде, олардың ата-аналары ақ көйлек пен спорт костюмдерінен бастап, кеңселік заттар мен сөмкелерге дейін дайындауды қолға алады. Өкінішке орай, барлық балалардың мұндай ата-аналары мен жақын адамдары жоқ.
  Акцияның аясында Қаскелең жәрдем беру мектеп-интернатының тәрбиеленушілеріне көмек көрсетілді.
  Мүгедек және жетім, жеткілікті түрде қамтамасыз етілмеген отбасылардан шыққан 150 балаға спорт костюмдері, мектепке қажетті кеңселік заттар (қарындаштар, дәптерлер мен т.б.), сөмкелер, сондай-ақ азық-түлік кәрзеңкелері таратылды.
  

• 5 желтоқсан 2005ж.
  «Жаңа жылдық сыйлықтар!» қайырымдылық акциясы

  Мақсаты: мүгедек балалар үшін жаңа жылдық мереке ұйымдастырып, әрбір балаға сыйлық сыйлау.
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Жаңа Жыл ең тамаша мерекелердің бірі! Бұл балалардың ең сүйікті мейрамы. Әрбір баланың жаңа жылдық ертегіге сеніп, тылсым ғажайыптардың болатынын күтетіні сөзсіз. Әсіресе, жетім балалар...
  «Apple City LLC» ЖШС бірлесе отырып «Махаббат бұлағы» ҚҚ Есту қабілетін нашар балаларға арналған №5 арнайы мектеп-интернаттың тәрбиеленушілеріне көптен күткен ертегіні көрсетті. Мектеп-интернаттың 195 тәрбиеленушісі қыстық сырт киімдер мен тәтті тағамдарды сыйлыққа алды. Сондай-ақ, арнайы мектеп-интернатына қыстың ұзақ кештерінде балалардың өздерінің бос уақыттарын пайдалы өткізу үшін барлық керек-жабдықтарымен бірге теннис ойнына арналған үстел сыйлыққа берілді.
  

• 10 қазан 2005ж.
  «Жақсы көңіл-күй» қайырымдылық акциясы

  Мақсаты: жетім балалар, мүгедек балалар, тұрмысы нашар және жеткілікті түрде қамтамасыз етілмеген отбасылардан шыққан балаларға жақсы көңіл күй сыйлап, тәтті әрі пайдалы попкорнмен көңілдерін аулау.
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Попкорн – бұл өте құнды дәнді өнім, әрі ең пайдалы снэктердің бірі. Попкорнның бір кісілік үлесі клетчатканың (өсімдік клеткаларының ұлпа қабығынан құралатын зат) бір күндік мөлшерін қамтамасыз ете алады. Попкорнның құрамында өзге снэктерге қарағанда протеин, фосфор, темір мен кремнийдің үлес салмағы көп. Жалғыз бір жүгерінің құрамында адамның миына ауадай қажетті алтын тәрізді микроэлемент бар. Попкорн адам ағзасын қалдықтардан тазартып, зат айналымын жақсартады.
  Акция аясында попкорн салынған қапшықтар келесідей әлеуметтік мекемелерге таратылды:
  
  

  • «Тин Чэллиндж» ОҚҚ
  • №3 сәбилер үйі
  • «Балаларға қолдау көрсету орталығы» ҚҚ
  • Бағанашыл ауылындағы №1 Алматы облыстық балалар үйі
  • Жастар үйі
  • Көпбалалы аналар одағы
  • «Кеңес» мүгедектер ҚБ
  • «Арди» қалпына келтіру орталығы
  • Алматы қ. Алмалы ауданы әкімінің аппараты жанындағы бейімдеу және қалыпқа келтіру орталығы
  • «САТР» кәсіби еңбекке баулу және әлеуметтік бейімдеу РҒПО
  • Қиын жасөспірімдерге арналғн қалпына келтіру орталығы
  • №1 ҚКБЕ (станционарлық емдеудегі балаларға)
  • «Балбұлақ» республикалық балаларды қалпына келтіру орталығы
  • Балалар шығармашылығы үйі
  • «Жаңа әлем» отбасылық балалар үйі» қалпына келтіру орталығы
  • «Кәусар» ҚБ
  • Алматы қ. Әуезов ауданының қамқорлық жасау бөлімінің қарауындағы мүгедек балалар
  • Талдықорған қаласының жәрдем беру мектеп-интернаты

  
  Талдыкорганская областная вспомогательная школа-интернат

• 16 желтоқсан 2004ж.
  «Жаңа Жылдың ғажайыптар!» қайырымдылық акциясы

  Мақсаты: Балалар үйлері мен мектеп-интернаттардың тәрбиеленушілеріне жаңа жылдық сыйлықтарды сыйлап, оларға деген жүрек жылуымыз бен қамқорлығымызды беру.
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Жаңа Жыл – ең ғажайып мерекелердің бірі! Бұл күні барлық аналар мен әкелер, аталар мен әжелер, апайлар мен ағайлар өздерінің ең қымбатты да аяулы жалғыз балаларына ұмытылмайтын сыйлық жасауға тырысады. Бұл жас бүлдіршіннің қуанышқа толы көздері, саңқылдаған күлкісі мен ыстық құшағы үшін жасалатыны анық... Әрбір бала Жаңа Жыл мерекесінен тылсым ғажайып пен құпиялаларға толы ертегіні күтеді...
  Алайда, осы күні сыйлық сыйлап құшағына алатын жақын адамдары жоқ балалар қаншама...
  Ұйымдастырылған акцияның аясында балалар үйлері, мектеп-интернаттардың тәрбиеленушілеріне мектепке қажетті кеңселік заттар мен спорт жабдықтары (айналма шеңбер, доптар, секіргіштер, шаналар мен шаңғылар, шаңғыға арналған аяқ киімдер, 2 және 3-орындық шатырлар, туристік жол қапшықтар, үстел үстінде ойналатын теннис, гантельдер), сондай-ақ жеке бас тазалығын сақтауға арналған заттар (шампунь, тіс пастасы, тіс ысқыш), орамалдар, ыдыс-аяқ пен тәтті тағамдар таратылды.
  Акция келесідей әлеуметтік мекемелерді қамтыды: Бағанашыл ауылындағы № 1 облыстық балалар үйі, № 8 балаларға арналған интернат үй, қиын жасөспірімдерді қалпына келтіру орталығы.
  

• 30 қазан 2004ж.
  «Қамқорлық жасайтын уақыт» қайырымдылық акциясы

  Мақсаты: ҚЖҚО тәрбиеленушілерін жылы киімдер және мектепке қажетті кеңселік жабдықтармен қамтамасыз ету.
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Қиын жасөспірімдерді қалпына келтіру орталығында жетім және ата-ананың қамқорлығынсыз қалған 148 бала тәрбиеленеді. Салқын түсуімен жасөспірімдер жылы сырт киімдердің жетіспеушілігіне тап болды. Акция аясында 136 тәрбиеленушіге қысқы сырт киімдер, аяқ киімдер, спорт киімдері, жылы жейделер мен мектепке қажетті кеңселік жабдықтар сыйға тартылды.
  

• 10 тамыз 2004ж.
  «Бірінші сыныпқа алғашқы қадам»

  Мақсаты: мүгедек балалардың ата-аналарына бірінші сыныпқа баратын балаларын мектепке дайындау ісіне жәрдемдесу
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Балаларды мектепке дайындау қашан болса да, машақатқа түсіретін іс екені баршамызға аян. Қажетті заттардың бәрін бірдей сатып алу – екінің бірі үшін қалтасы көтермейтін іс. Ал мүгедек балалардың ата-аналары үшін бұл өте өзекті мәселелердің бірі. Өзіміз білетіндей, 1 қыркүйек - әрбір бірінші сыныпқа барғалы тұрған бала үшін ұмытылмас күн.
  Акция аясында жетім балалар, мүгедек балалар мен көп балалы отбасынан шыққан балаларға көмек көрсетілді. Олардың бәріне бірдей мектепке қажетті кеңселік жабдықтар салынған сөмкелер сыйға тартылды.
  Бұл акция ҚР мүгедектер одағы мен Алмалы ауданының мүгедектер қоғамы мүшелерінің балалары және Шығармашылық үйінің тәрбиеленушілерін қоса алғанда 500 баланы қамтыды.
  

• 15 маусым 2004ж.
  «Жомарт жүрек» қайырымдылық акциясы

  Мақсаты: балалар үйінің тәрбиеленушілерін жаңа киім-кешек және төсек-орын жабдығымен қамтамасыз ету.
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Балалар үйлерінде тәлім-тәрбие алатын балалар мен жасөспірімдердің басқа қарапайым балалар сияқты сәнді киініп әдемі болып жүруді қалайтындары сөзсіз. Сондай-ақ, жетім балалар тәрбиеленетін үйлерде әрдайым кеңселік керек-жабдықтар, ойыншықтар мен кітаптардың жетіспеушілігі байқалады. Сол себептен де, «Apple City LLC» ЖШС бірлесе отырып «Махаббат бұлағы» ҚҚ Бағанашыл ауылындағы № 1 облыстық балалар үйінің тәрбиеленушілері үшін арнайы сыйлықтар дайындады. Балаларға киім-кешек (көйлектер, жылы көкірекшелер, джинсы шалбарлар, шұлықтар, іш киімдер, қысқы сырт киімдер), аяқ киім (туфли, спорттық аяқ киімдер мен жаздық ашық аяқ киімдер), сондай-ақ сөмкелер мен иыққа артылатын сөмкелер, төсек-орын, қалың жапқыштар мен орамалдар таратылды.
  

• 1 маусым 2004ж.
  «Жүректен жүрекке» қайырымдылық акциясы

  Мақсаты: жетім балалар, мүгедектер мен соғыс ардагерлерінің бос уақытын ұйымдастыру ісіндегі көмек.
  Ұйымдастырушы: «Махаббат бұлағы» ҚҚ
  Акцияның демеушісі: LG Еlectronics Аlmaty
  Әлеуметтік мекемелерде теледидар мен бейнемагнитафондар, караоке сияқты қажетті техниканың жетіспеуі, кейде мүлдем болмауы себебінен жетім балалар, мүгедектер мен соғыс ардагерлерінің күнделікті бос уақыты бір сарынмен өтетіні анық. Бұл адамдардың да әрбіреуіміз сияқты сыртқы әлеммен байланыс орнатып, жаңалықтарды тыңдап, ән айтып, түрлі бейнефильмдерді тамашалауды қалайтындары сөзсіз. Осыған орай, «Махаббат бұлағы» қоғамдық қоры LG Еlectronics Аlmaty компаниясымен бірлесе отырып, әлеуметтік мекемелерді бейнемагнитофондар, караоке, музыка орталықтары мен DVD-ойнатқыштармен қамтамасыз етуді көздеген қайырымдылық акциясын ұйымдастырды. Мұндай көмек келесідей әлеуметтік мекемелерге көрсетілді: ҚЖҚО, Бағанашыл ауылындағы №1 балалар үйі, «Балаларды қорғау орталығы» ҚҚ, «Тин Чэллиндж Қазақстан» ҚҚ, Ардагерлер үйі, Жастар үйі, Алматы қаласының мүгедектер мен ақыл-ойы кем балаларға арналған интернат үйі.
  

• 15 мамыр 2004ж.
  «Жүректегі көктем» қайырымдылық акциясы

  Мақсаты: әлеуметтік мекемелерді жетіспей жатқан жиһаз, тұрмыстық техника, ыдыс-аяқпен қамту.
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Ұзақ уақыт бойы біздің қоғамымызда жетім және мүгедек балалардың мемлекеттік мекемелерде тәрбиеленуі - әдеттегі жағдай, сондай-ақ тәрбиеленушілер барлық жағынан толық қамтамасыз етілген деген көзқарас қалыптасты. Бірақ, бұл шынымен де солай ма? Соңғы уақытта балалар үйлерінің материалдық-техникалық жағдайларының күрт нашарлап кеткенін көріп отырмыз. Көп жағдайда тіпті бірінші қажеттіліктердің өзі жетіспей жатады: азық-түлік, дәрі-дәрмек пен ойыншықтар. Осыған орай, «Apple City LLC» ЖШС бірлесе отырып «Махаббат бұлағы» қоғамдық қоры ҚЖҚО қажетті жиһаз және ыдыс-аяқпен қамтамасыз етуді қолға алды. Осылайша, екіқабатты төсектер, асханаға арналған үстелдер мен орындықтар, еттурағыш, ыдыс-ақ, кір және ыдыс жуғыш құралдар сатып алынды.
  

• 30 желтоқсан 2003ж.
  «Балалар үйіндегі Жаңа Жыл мерекесі» қайырымдылық акциясы

  Мақсаты: Балалар үйлері мен мектеп-интернаттардың тәрбиеленушілеріне жаңа жылдық сыйлықтарды сыйлап, оларға деген жүрек жылуымыз бен қамқорлығымызды беру.
  Ұйымдастырушы: «Махаббат бұлағы» ҚҚ
  Акцияның демеушісі: «Apple City LLC» ЖШС
  Жаңа Жыл – ең ғажайып мерекелердің бірі! Бұл күні барлық аналар мен әкелер, аталар мен әжелер, апайлар мен ағайлар өздерінің ең қымбатты да аяулы жалғыз балаларына ұмытылмайтын сыйлық жасауға тырысады. Бұл жас бүлдіршіннің қуанышқа толы көздері, саңқылдаған күлкісі мен ыстық құшағы үшін жасалатыны анық... Әрбір бала Жаңа Жыл мерекесінен тылсым ғажайып пен құпиялаларға толы ертегіні күтеді...
  Алайда, осы күні сыйлық сыйлап құшағына алатын жақын адамдары жоқ балалар қаншама...
  Ұйымдастырылған акцияның аясында балалар үйлері, мектеп-интернаттардың тәрбиеленушілеріне киім-кешек, иіс сулар, қол сағаттар, қолшатырлар, мектепке қажетті кеңселік заттар мен азық-түлік таратылды.
  Бұл акция келесідей әлеуметтік мекемелерді қамтыды: Бағанашыл ауылындағы № 1 облыстық балалар үйі, ақыл-ой дамуы нашар балалар, жетім және ата-ананың қамқорлығынсыз қалған балаларға арналған №8 арнайы мектеп-интернат.