БАҚ біз туралы |
-
-
07.05.2009 / 14:28
Қазақстан азаматтары тарихи шындықпен таныс және Ұлы Жеңістің тұғырын көтерген батырлардың еңбегін ешқашан ұмытпайды – Алматы қаласында ұйымдастырылған акция АЛМАТЫ
7 мамыр. КАЗАҚПАРАТ /Серік Қойбағаров/ - «Бүгін Т.Рысқұлов атындағы ҚазЭУ «Сіздерге айтар алғысымыз шексіз» атты Екінші дүниежүзілік соғыстың ардагерлеріне арналған қайырымдылық акциясы өтті», - деп хабарлайды Қазақпарат.
«Махаббат бұлағы» қоғамдық қоры ұйымдастырған бұл іс-шара гитлерлік Германияға қарсы күрестегі жеңістің 64-жылдығы мерекесіне қарай орайластырылды. Бұл акцияға Ұлы Отан соғысының 300 ардагері қатысты.
Университеттің проректоры Алексей Швыдко ЖОО басшылығы мен професорлық-оқытушылық құрамның атынан ардагерлерді Жеңіс күнімен құттықтап, Отан алдында көрсеткен ерен ерліктері үшін алғыс білдірді. «Өкінішке орай, кейбір мемлекеттердегі бұл соғыстың батырларына деген мүлдем орынсыз көзқарастың қалыптасуының куәсі болып отырмыз. Алайда, Ресей мен Орталық Азия мемлекеттеріндегідей, Қазақстан азаматтары тарихи шындықты біледі, және Ұлы жеңістің тұғырын көтерген аталарымыздың батырлығын ешқашан ұмытпайды», - деді ол.
Іс-шараның демеушісі «Apple City Distributors» компаниясының департаментінің директоры Анатолий Галунщиков акция барысында жиналған ардагерлердің әрбіреуіне ет өнімдері мен «Procter& Gamble» компаниясының өнімдерінен құралған сыйлық кәрзеңкелерін таратты. Өз кезегінде, қордың бас директоры Руслан Асылбеков қордың өз жұмысын жүргізіп жатқанына бес жыл толғанын, және оның негізгі бағыттарын соғыс ардагерлері мен балалар үйі, мектеп-интернаттардың тәрбиеленушілеріне көмек көрсету болып табылатынын ерекше атап өтті. Сондай-ақ, ол бұл акцияны «фашизмге қарсы ұлапат соғыста соңғы қасық қаны қалғанша күресуге дайын болған ардагерлерімізге деген сый-құрметтің белгісі» ретінде ұйымдастырылғанын айтты.
Ұйымдастырылған іс-шараның аясында Әл-Фараби атындағы ҚазҰУ, М.Тынышбаев атындағы ҚазККА мен ҚазҰАУ студенттері дайындаған мерекелік концерт өткізілді. Соғыс жылдарындағы әндер мен жүрек жарды өлеңдер оқылып, қазіргі авторлардың шығармаларына да орын табылды. Студенттер бұл мерекені: «Әрбір жыл Сіздерге жаңа күш пен қуат әкеліп, біздің жүректерімізден шыққан жылулықты сыйлай берсін. Біз, Сіздердің балаларыңыз бен немерелеріңіз, сіздерді шексіз жақсы көреміз» деген тамаша сөздермен аяқтады.
-
«Сіздер бұл әлемде жалғыз емессіздер» - мүмкіндіктері шектеулі адамдар үшін Алматы қаласында ұйымдастырылған қайырымдылық акциясы
|
|
|
